AZ
RU
.jpg)
"Azərbaycanın 9 iqlim balı" adlı marka yaradılacaq
“Almaniya Azərbaycanın 9 iqlim qurşağına uyğun bal ixrac etmək istəyir”.
Yenixeber.org: Bunu Azərbaycan Arıçılar Assosiasiyasının sədri Bədrəddin Həsrətov bildirib.
Onun sözlərinə görə, Almaniyadan gələn iş adamları Azərbaycanda 9 tip iqlim balı adlı marka yaradılması istiqamətində iş aparır: “Azərbaycan 9 iqlim qurşağında yerləşdiyinə görə, hər iqlim qurşağına uyğun 9 tip bal ixrac etmək istəyirlər. Bu istiqamatdə danışıqlar davam edir”.
B.Həsrətov qeyd edib ki, Avropa ölkələri Azərbaycandan heyvan mənşəli qidaların idxalına qadağa qoyub: “Bu məhdudiyyət aradan götürülən kimi biz Avropaya bal ixrac edə biləcəyik. Bu istiqamətdə Azərbaycan Qida Təhlükəsizliyi Agentliyi (AQTA) ilə görüş keçirmişik. Biz AQTA-dan Avropa ölkələri ilə Azərbaycandan heyvan mənşəli qidaların idxalına məhdudiyyətin aradan qaldırılması üçün danışıqlar aparmalarını xahiş etmişik".
