Ermənistan MDB ölkələri arasında Rusiyaya ən çox borcu olan dövlətlərdən biridir.

Yenixeber.org: Rəsmi İrəvan hazırda bu cədvəldə 300 milyon dollarla 3-cü sıranı tutur.

Bu borcun əsasən Rusiyanın 2015-ci ildə Ermənistana silah alması (Rusiyanın öz silahını-red.), habelə “Metsamor” AES-in istismarı üçün verdiyi kreditdən yarandığı qeyd olunur. Agentlik bu rəqəmlərin Ermənistan Maliyyə Nazirliyinin 2018-ci ildəki hesabatından götürdüyünü açıqlayıb.

Birinci yerdə isə 7,55 milyard dollarla Belarus gəlir. 2018-ci illə müqayisədə rəsmi Minskin "böyük qardaş"ına borcu daha 300 milyon dollar artıb.

Belarusun Rusiya qarşısında kredit öhdəliklərini 2012-ci ildən bu yana 2 dəfə artdığı da bildirilir. Lakin 2019-cu ildə Kreml Belarusun borclarını yenidən strukturlaşdırmaqdan imtina edib. RF baş nazirinin müavini Andrey Siluanov bu ilin iyununda yerli mətbuata verdiyi müsahibədə Moskvanın qardaş ölkədən iqtidadi inteqrasiya yolunda daha çox addım atmasını gözlədiyini söyləyib. Buna görə Lukaşenko hökuməti Çinə müraciət etmək məcburiyyətində qalıb.

İkinci sırada isə “mehriban qardaş” Ukrayna dayanır. Rəsmi Kiyev işğalçı qonşusuna 3,7 milyard dollar borcludur. Rusiya Ukraynanın avroistiqrazlar vasitəsilə bu qədər kredit öhdəliyinin yarandığını iddia edir. Hazırda tərəflər arasında London arbitraj məhkəməsində proses gedir.