“Arsenal” klubunun azarkeşləri UEFA Avropa Liqasının final matçının təxirə salınması üçün petisiya təşkil edib.

Yenixeber.org: Azarkeşlər final matçının Azərbaycanda keçirilməsinə etiraz edirlər.

Onlar “Arsenal”ın erməni futbolçusu Henrix Mxitaryanın Azərbaycandakı final mərasimində iştirak edə bilməməsini əsas gətirərək matçın Londondakı “Wembley” stadionunda keçirilməsini tələb edirlər.

Qeyd edək ki, Avropa Liqasının final matçı “Çelsi” və “Arsenal” arasında, 29 may tarixində Bakı Olimpiya Stadionunda keçiriləcək.

Daha əvvəl Azərbaycan Respublikası “Arsenal”ın erməni futbolçusu Henrix Mxitaryanın Bakıya səfər etməsinə dair bütün təhlükəsizlik tədbirlərini gördüyünü və zəmant verdiyini bildirsə də, “Arsenal”ın qərarları və futbolçunun şəxsi istəyi əsasında Henrix Mxitaryanın Azərbaycana gəlməməsi razılaşdırılıb.

Xatırladaq ki, Ermənistan-Azərbaycan arasında Dağlıq Qarabağ və ətraf ərazilərinin ermənilər tərəfindən işğalı ilə bağlı münaqişə 20 ildən çoxdur ki, davam edir.