AZ
RU
Fransa Notr-Damın bərpası üçün müsabiqə elan edir
Fransa hökuməti Parisin ən qədim abidələrindən biri - 856 illik tarixə malik məşhur Notr-Dam kilsəsinin yanan qülləsinin bərpası üçün beynəlxalq memarlıq müsabiqəsi elan edəcək.
Yenixeber.org: Məlumata görə, bu barədə Fransanın baş naziri Eduar Filip bəyan edib.
“Yanaraq dağılmış qüllənin bərpası üçün memarlar arasında beynəlxalq müsabiqə təşkil ediləcək”, – deyə Filip hökumətin keçirdiyi iclasın yekununda gəlinən qərar barədə jurnalistlərə məlumat verib.
Bundan əvvəl Fransa prezidenti Emmanuel Makron bildirmişdi ki, Notr-Dam kilsəsinin təmirini 5 il müddətinə başa çatdırmaq niyyətindədirlər.
Qeyd edək ki, aprelin 15-də Notr-Dam kilsəsində güclü yanğın olub. İlkin məlumata əsasən, yanğın kilsədə aparılan yenidənqurma işləri ilə əlaqədar baş verib. Yanğın təxminən 9 saatdan sonra söndürülüb. Rəsmi şəxslər kilsənin təmiri üçün beynəlxalq yardım kampaniyası başladacaqlarını açıqlayıblar. Yanan kilsənin bərpası üçün yığılan ianələr artıq 1 milyard avronu keçib. (azvision.az)
