AZ
RU
Martın 10-da ov mövsümü başa çatır
Bu il martın 10-da Azərbaycanda 2018-2019-cu il üzrə ov mövsümü başa çatacaq.
Yenixeber.org: Bunu Ekologiya və Təbii Sərvətlər Nazirliyinin Bioloji Müxtəlifliyin Qorunması Departamentinin direktoru Hikmət Əlizadə deyib.
O qeyd edib ki, 2018-2019-cu il üzrə ov mövsümü 2018-ci il mayın 26-da elan olunub.
H.Əlizadənin sözlərinə görə, bu ilki ov mövsümü üzrə ov limiti artıq bitmək üzrədir. Nazirlik rəsmisi hazırda su-bataqlıq quşlarının ov dövrünün olduğunu da söyləyib.
Departament direktoru 2019-2020-ci il üzrə ov mövsümünün mayın sonunda elan ediləcəyini də nəzərə çatdırıb.
O, Azərbaycanda ov etmək istəyən insanların maarifləndirməsinə də ehtiyac olduğunu bildirib.
