AZ
RU
Jurnalistlərə bir sıra imtiyazlar veriləcək
Gələn il iyunun 12-28-də Bakıda keçiriləcək I Avropa Olimpiya Oyunları zamanı jurnalistlər üçün bir sıra imtiyazlar tədbiq olunacaq.
"Xeberinfo.com": Məlumata görə, “İzvestiya.az” yazıb ki, Olimpiya Oyunlarını işıqlandıran media işçiləri mayın 29-dan iyulun 1-dək Bakıda fəaliyyət göstərən bütün ictimai nəqliyyat vasitələrindən (taksilərdən başqa) pulsuz istifadə edəcəklər. Avtobus və metro ilə bərabər jurnalistlər Bakı bulvarındakı gəzinti qatarlarından və katerlərdən də pulsuz istifadə etmək hüququ əldə edəcəklər.
Sözügedən ərəfədə Bakıda fəaliyyət göstərən ictimai nəqliyyat vasitələrinin iş qrafiki də uzadılacaq. Hazırda bu qrafik səhər saat 5-dən gecə yarısınacandır.
Qeyd edək ki, artıq I Avropa Olimpiya Oyunlarını işıqlandıracaq jurnalistlərin akkreditasiyasına başlanıb və bu proses 2015-ci il martın 6-da yekunlaşacaq.
