Türkiyə lideri dağıstanlı idmançıya uğurlar diləyib

Yenixeber.org: Rusiyalı döyüşçü Həbib Nurməhəmmədov İstanbulda gerçəkləşən 3-cü hava limanının açılışına qatılıb.

O, açılış öncəsi zalda Türkiyə prezidenti Rəcəb Tayyib Ərdoğanla görüşüb. Bir neçə saniyə söhbət zamanı Türkiyə lideri dağıstanlı idmançıya uğurlar diləyib.

Qeyd edək ki, bu gün İstanbulda yeni hava limanı açılıb.

Açılışa dünyanın bir çox ölkələrinin liderləri və tanınmış şəxsləri gəlib:

Albaniya Respublikasının prezidenti Ilir Meta, Qatar dövlətinin əmiri Şeyx Tamim Bin Hamad Al-Thani, Qırğız Respublikasının prezidenti Sooronbay Jeenbekov, Kosovo prezidenti Hashim Thaçi, Şimali Kipr Türk Respublikasının prezidenti Mustafa Akıncı, Makedoniya Respublikasının prezidenti prof. Giorgi İvanov, Moldova Respublikasının prezidenti İqor Dodon, Pakistan İslam Respublikasının prezidenti Arif Alvi, Serbiya Respublikasının prezidenti Aleksandar Vucic, Sudan prezidenti Feldmareşal Omar Hassan Ahmad Al Bashir, Bosniya və Herseqovina Nazirlər Şurasının Başçısı (Baş nazir) Dr. Denis Zvizdic, Bolqarıstanın Baş naziri Boyko Borisov, Konqo Demokratik Respublikası Baş nazirinin müavini, Sloveniya Baş nazirinin müavini və infrastruktur naziri Alenka Bratusek, Gürcüstanın xarici işlər naziri David Zalkaliani (heyət başçısı), İranın xarici işlər naziri Dr. Məhəmməd Cavad Zərif (heyət başçısı), Moldova Respublikası Qaqauz Muxtariyyətinin yeri başçısı İrina Vlah.

Açılışa həmçinin bir sıra ölkələrin nəqliyyat və xarici işlər nazirləri də qatılıb.

Babək Göyüş