AZ
RU
“Sovetski”də həyat yoxdur
"Sovetski"də həm söküntü, həm də elə bu proseslə birgə başlayan etirazlar davam edir.
Bir-birinə yaxın yerləşən evlərdən birinin sökülməsi, digərində yaşayışın davam etməsi sakinləri çətin vəziyyətə salır.
"Xeberinfo.com" bizimyol.info-ya istinadən xəbər verir ki, yerli icra hakimiyyəti tərəfindən ilkin mərhələdə söküntülərin aparıldığı Bəşir Səfəroğlu, Çingiz Mustafayev, Vidadi, Mirzağa Əliyev, Murtuza Muxtarov, Abdulla Şaiq və Zərgərpalan küçələrində nəqliyyatın hərəkəti çətinləşib. Evini hökumətə satmayan sakinlər bildirir ki, söküntü prosesi başlayandan kommunal xidmətlərin verilməsində problem yaranıb:"Artıq "Sovetski"də həyat yoxdur. Kanalizasiya xətti yararsız vəziyyətdədir. Suyun, qazın verilməsində tez-tez problem yaşanır. Telefon xətti işləmir. Bunları evimizi hökumətə satmadığımız üçün bizə qarşı təzyiq kimi qiymətləndiririk. Havalar soyuyur, burda yaşamaq dözülməzdir. Biz hökumətin hər kəsi razı salıb köçürmədən evlərin sökülməsindən narazıyıq. Biz işgəncə çəkirik", deyə Nəriman Nərimanov küçəsi 56 ünvanında yaşayan Natella Quliyeva bildirib.
Bəşir Səfəroğlu dalan 1, ev 1 ünvanında yaşayan Hökumə Sultanova bildirir ki, onun qonşuluğunda olan mənzilin sökülməsi nəticəsində evi qəzalı duruma düşüb: "Evimin divarlarında çatlar yaranıb. Bizi məcbur edirlər ki, evimizi sataq. Evimizi satmağa razıyıq, amma elə miqdarda kompensasiya versinlər ki, biz mənzil ala bilək, çöldə qalmayaq. Azkvadratlı evlərin sahiblərinə 1500 manat deyil, daha artıq kompensasiya verilməlidir".
"Bizim Yol"un Yasamal rayon İcra Hakimiyyətinə ünvanlandığı sorğusuna icra başçısının birinci müavini Səməd İslamov cavab verib: "Bildiririk ki, Bakı şəhərinin Baş Planının icrasının təmin edilməsi ilə əlaqədar şəhərdə yol-nəqliyyat infrastruktur təminatının yaxşılaşdırılması və abadlıq-quruculuq işlərinin həyata keçirilməsi məqsədi ilə Bakı Şəhər İcra Hakimiyyəti başçısının 12 dekabr 2013-cü il tarixli 501 saylı sərəncamı ilə Bakı şəhərinin "Sovetski" adlanan ərazisinin köçürülməsi üçün qərar verilib. Söküntü zonasının sərhədləri və mərhələləri müəyyənləşdirilib.
Bununla əlaqədar Yasamal rayon İcra Hakimiyyəti başçısının 20.12.2013-cü il tarixli, 518 saylı sərəncamı ilə komissiya yaradılıb və müvafiq tapşırıqlar verilib. Hazırda yaradılmış işçi komissiyaları fəaliyyətini davam etdirərək ünvanlarda dəqiq ölçmə, sənədlərin toplanması və söküntü işləri aparılır.
Yasamal rayon İcra Hakimiyyəti bu sahədə böyük miqyaslı işlər görüb. Bu günə qədər 3400-dən yuxarı ünvanda ölçü işləri aparılıb. Artıq 2262 ünvanda yaşayış və qeyri-yaşayış sahələrinin sahibləri razılaşma protokoluna imza atıb, onlardan 2147 nəfəri alqı-satqı edərək öz vəsaitlərini götürüb və boşalmış 1763 ünvanda söküntü işləri aparılıb.
3 mart tarixində Dövlət Komissiyasının rəsmi mövqeyi və qoyulmuş suallara cavabları açıqlanıb. Köçürülmə işlərinin yalnız könüllülük əsasında, hər kvadrat metr sahəyə 1500 manat verilməsi şərti ilə aparılacağı bəyan edilib. Bundan sonra keçən dövr ərzində Yasamal rayon İcra Hakimiyyətinə öz evlərini qoyulan şərtlərlə satmaq istəyən ailələrdən 2300 ərizə daxil olub və müraciətlərin daxil olması davam edir".
Bir-birinə yaxın yerləşən evlərdən birinin sökülməsi, digərində yaşayışın davam etməsi sakinləri çətin vəziyyətə salır.
"Xeberinfo.com" bizimyol.info-ya istinadən xəbər verir ki, yerli icra hakimiyyəti tərəfindən ilkin mərhələdə söküntülərin aparıldığı Bəşir Səfəroğlu, Çingiz Mustafayev, Vidadi, Mirzağa Əliyev, Murtuza Muxtarov, Abdulla Şaiq və Zərgərpalan küçələrində nəqliyyatın hərəkəti çətinləşib. Evini hökumətə satmayan sakinlər bildirir ki, söküntü prosesi başlayandan kommunal xidmətlərin verilməsində problem yaranıb:"Artıq "Sovetski"də həyat yoxdur. Kanalizasiya xətti yararsız vəziyyətdədir. Suyun, qazın verilməsində tez-tez problem yaşanır. Telefon xətti işləmir. Bunları evimizi hökumətə satmadığımız üçün bizə qarşı təzyiq kimi qiymətləndiririk. Havalar soyuyur, burda yaşamaq dözülməzdir. Biz hökumətin hər kəsi razı salıb köçürmədən evlərin sökülməsindən narazıyıq. Biz işgəncə çəkirik", deyə Nəriman Nərimanov küçəsi 56 ünvanında yaşayan Natella Quliyeva bildirib.
Bəşir Səfəroğlu dalan 1, ev 1 ünvanında yaşayan Hökumə Sultanova bildirir ki, onun qonşuluğunda olan mənzilin sökülməsi nəticəsində evi qəzalı duruma düşüb: "Evimin divarlarında çatlar yaranıb. Bizi məcbur edirlər ki, evimizi sataq. Evimizi satmağa razıyıq, amma elə miqdarda kompensasiya versinlər ki, biz mənzil ala bilək, çöldə qalmayaq. Azkvadratlı evlərin sahiblərinə 1500 manat deyil, daha artıq kompensasiya verilməlidir".
"Bizim Yol"un Yasamal rayon İcra Hakimiyyətinə ünvanlandığı sorğusuna icra başçısının birinci müavini Səməd İslamov cavab verib: "Bildiririk ki, Bakı şəhərinin Baş Planının icrasının təmin edilməsi ilə əlaqədar şəhərdə yol-nəqliyyat infrastruktur təminatının yaxşılaşdırılması və abadlıq-quruculuq işlərinin həyata keçirilməsi məqsədi ilə Bakı Şəhər İcra Hakimiyyəti başçısının 12 dekabr 2013-cü il tarixli 501 saylı sərəncamı ilə Bakı şəhərinin "Sovetski" adlanan ərazisinin köçürülməsi üçün qərar verilib. Söküntü zonasının sərhədləri və mərhələləri müəyyənləşdirilib.
Bununla əlaqədar Yasamal rayon İcra Hakimiyyəti başçısının 20.12.2013-cü il tarixli, 518 saylı sərəncamı ilə komissiya yaradılıb və müvafiq tapşırıqlar verilib. Hazırda yaradılmış işçi komissiyaları fəaliyyətini davam etdirərək ünvanlarda dəqiq ölçmə, sənədlərin toplanması və söküntü işləri aparılır.
Yasamal rayon İcra Hakimiyyəti bu sahədə böyük miqyaslı işlər görüb. Bu günə qədər 3400-dən yuxarı ünvanda ölçü işləri aparılıb. Artıq 2262 ünvanda yaşayış və qeyri-yaşayış sahələrinin sahibləri razılaşma protokoluna imza atıb, onlardan 2147 nəfəri alqı-satqı edərək öz vəsaitlərini götürüb və boşalmış 1763 ünvanda söküntü işləri aparılıb.
3 mart tarixində Dövlət Komissiyasının rəsmi mövqeyi və qoyulmuş suallara cavabları açıqlanıb. Köçürülmə işlərinin yalnız könüllülük əsasında, hər kvadrat metr sahəyə 1500 manat verilməsi şərti ilə aparılacağı bəyan edilib. Bundan sonra keçən dövr ərzində Yasamal rayon İcra Hakimiyyətinə öz evlərini qoyulan şərtlərlə satmaq istəyən ailələrdən 2300 ərizə daxil olub və müraciətlərin daxil olması davam edir".
