Xəbər verdiyimiz kimi, Türkiyənin “TV8” kanalında “Boksun ulduzları” adlı yarışma proqramına start verilib

Yenixeber.org: Verilişin aparıcısı Dilara Gönder, şərhçiləri isə Bilgehan Demir və Adem Kıllıççıdır. Boks rinqində Bülent Çetinaslan, Fulya Keskin, Şenol İpek, Aycan Demirci, Ateş Fatih Uçan, Çılgın Sedat, Sahra Işık, Berna Canbeldek, Sami Lavi, Asena, Baki Mercimek, Ayşıl Özaslan, Ramazan Kalyoncu və Doğuş kimi məşhur ulduzlar mübarizə aparırlar.

“Arxa sıradakılar” serialının Oqtayı Bülent Çetinaslan ilə müğənni Doğuşun mübarizəsi zamanı ifaçı qalib gəlib. O, sonda Türkiyə bayrağı ilə yanaşı, Azərbaycan bayrağını da dalğalandırıb. Lakin ona bayrağımızı təqdim edən şəxs  Azərbaycan Respublikasının rəsmi simvolunu düzgün tutmayıb. Yuxarı zolağa mavi rəng əvəzinə, yaşıl rəng qaldırılıb. 

Azərbaycan bayrağı - bərabər enli üç üfüqi zolaqdan (yuxarı zolaq mavi, orta zolaq qırmızı, aşağı zolaq yaşıl rəngdədir) ibarətdir. Qırmızı zolağın ortasında bayrağın hər iki üzündə ağ rəngli aypara ilə səkkizguşəli ulduz təsvir edilib. Bayrağın mavi rəngi türkçülüyü, qırmızı müasir cəmiyyət, demokratiyanı, yaşıl rəng isə islamı simvolizə edir.