AZ
RU
.jpg)
“Universiada - 2014” davam edir
xeberinfo.com": Naxçıvan Dövlət Universitetində Azərbaycan xalqının ümummilli lideri, görkəmli dövlət xadimi Heydər Əliyevin anadan olmasının 91 illiyinə və Naxçıvan Muxtar Respublikasının yaradılmasının 90 illiyinə həsr olunmuş “Universiada - 2014” proqramına daxil olan idman yarışları davam etməkdədir.
Universitetin bütün fakültələrini təmsil edən, 10 komandanın iştirakı ilə qızlardan ibarət voleybol yarışı keçirilib. Finala vəsiqə alan Tibb fakültəsi, Pedaqoji fakültə, Memarlıq və mühəndislik fakültəsinin qızlardan ibarət voleybol komandaları arasında 3 gün davam edən gərgin yarış, Tibb fakültəsinin komandasının qələbəsi ilə başa çatıb. Memarlıq və mühəndislik fakültəsi II, Pedaqoji fakültənin komandaları isə III yerlə kifayətləniblər. Qaliblər kubok və diplomlarla təltif edilib.
Mina Qasımova
NDU-nun Mətbuat şöbəsinin əməkdaşı
