AZ
RU
Jurnalist Azər Rəşidoğlu prokurorluğa çağırıldı
“Yeni Müsavat”ın siyasi şərhçisi Azər Rəşidoğlu Baş Prokurorluğun Ağır Cinayətlərə dair İşlər Üzrə İstintaq İdarəsinə çağırılıb
"xeberinfo.com": Əldə etdiyimiz məlumatda görə, jurnalistə idarənin müstəntiqi Taleh Osmanov zəng edib. Deyib ki, “Ayna-Zerkalo” qəzetinin Türkiyə təmsilçisi Rauf Mirqədirovun işi üzrə şahid qismində ifadə vermək üçün saat 3-də idarəyə dəvət olunur.
Qeyd edək ki, aprelin 30-da politoloq Zəfər Quliyev Türkiyədə həbs edilərək, Azərbaycana gətirilən jurnailst Rauf Mirqədirovun işi ilə bağlı Baş Prokurorluğun Ağır Cinayətlərə dair istintaq idarəsində 3 saata yaxın dindirilib. R.Mirqədirova Cinayət Məcəlləsinin 214-cü (dövlətə xəyanət) maddəsi ilə ittiham elan olunub. Jurnalist ittihamı qəbul etmir.
Onu da qeyd edək ki, ötən həftə Azər Rəşidoğlu Mirqədirova qarşı ittihamların absurd olduğu barədə yazı yazmışdı.
