AZ
RU
Rauf Mirqədirovun istintaq müddəti uzadıla bilər
"Xeberinfo.com": Bu barədə jurnalistin vəkili Elmar Süleymanov məlumat verib: “İstintaqdan hələ ki heç bir məlumat yoxdur, xəbər gözləyirik. Qanuna görə, müəyyən olunmuş vaxt bu gün bitir”.
E. Süleymanovun sözlərinə görə, bu günə qədər istintaq heç nəyə nail olmayıb: “Bununla da Rauf Mirqədirovun günahsız olduğu ortaya çıxır”.
“Ona ifadə zamanı hər hansı təzyiq olmadı, amma müstəntiqlər çaşdırıcı, qarışıq suallarla onu çətin vəziyyətdə qoymaq istədilər. Digər vəkil Fuad Ağayev və mən buna imkan vermədik. Nəzərə alın ki, Rauf Mirqədirovun ifadəsi fasiləsiz olaraq 7 saat davam etdi. Əslində bu normal hal deyildi. Vəkilləri olaraq dindirilmənin dayandırılması təklifilə çıxış etsək də, Rauf Mirqədirov bununla razılaşmadı, ifadəsini tam şəkildə vermək istədiyini bildirdi. Səhhəti demək olar ki, normaldır, ailəsi ilə bizim vasitəmizlə xəbər tutur. Şəxsən Rauf Mirqədirovun öz ailəsilə əlaqə qurmaq imkanı yoxdur”, – deyə vəkil əlavə edib.
Qeyd edək ki, “Ayna-Zerkalo” qəzetinin əməkdaşı Rauf Mirqədirov aprelin 19-da Türkiyədə saxlanılaraq Azərbaycana deportasiya edilib. Türkiyədən deportasiya edilərək Bakıya gətirilən jurnalist dövlətə xəyanətdə ittiham olunaraq həbs olunub.
.jpg)
