AZ
RU
Ərdoğan: Bizə dərs keçməyə çalışan Qərbin Afrikada nələr törətdiyini yaxşı bilirik
Bizə ədalət dərsi keçmək istəyən Qərb ölkələrinin Afrikada nələr etdiklərini çox yaxşı bilirik.
Yenixeber.org xəbər verir ki, bunu Türkiyə Prezidenti Rəcəb Tayyib Ərdoğan kənd təsərrüfatı ekosistemləri ilə bağlı tədbirdə çıxışı zamanı deyib.
O bildirib ki, bəzi güclər bir damla nefti bir damla qandan üstün tuturlar: “Bəzi güclər təbii sərvətləri mənimsəmək üçün hər şey etdilər, Avropadan Afrikaya hücum etdilər. Onlar Afrikanı taladılar, sərvətləri Avropaya daşıdılar, çevriliş etdilər. Həmin ölkələri özlərindən asılı vəziyyətə saldılar”.
R.T.Ərdoğan söyləyib ki, bütün bunlar yeraltı və yerüstü sərvətləri mənimsəmək üçün aparılır.
Türkiyə lideri, həmçinin qeyd edib ki, bu gün Asiya, Amerika, Şimali Afrika və Orta Şərq kimi bir çox regionda baş verən toqquşmaların səbəbi su mənbələri ilə bağlıdır.
