AZ
RU
.jpg)
Günün qoroskopu -Parlaq, yaddaqalan, qeyri-adi qərarlar və əməllər zamanıdır
Yenixeber.org dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir
Qoç - əlverişli zamandır. Qeyri-adi layihəyə, mürəkkəb sifarişin icrasına başlamaq olar. Təxəyülünüzü işə salın. Nəzakətli, qayğıkeş olun. Mübahisə edənləri ayırın, bir-birlərinə dəyər verən adamlar arasında kompromisin əldə olunmasına yardım edin. Həmin adamlar nədənsə bu gün dil tapa bilmirlər.
Günün ikinci yarısında şəxsi münasibətlərdəki problemləri aradan qaldırın. Saatlar keçdikcə situasiya normallaşacaq.
Axşam saatlarında uğursuz alış-veriş, mənasız xərclər ola bilər. Maliyyə imkanlarınızı dəqiq qiymətləndirməsəniz, pərişan qalacaqsınız.
Buğa - günün ilk yarısı tərəfdaşlıq və əməkdaşlıq üçün əlverişlidir. Ünsiyyət pis olmayacaq. Mürəkkəb sayılmayacaq işə başlayın. Ciddi, ağır layihə və ya sifarişin reallaşmasını bir qədər ertələyin. Bu gün sizə maneələr yaradacaq çox məqamlar var.
Günün ikinci yarısında yaşam potensialınızın səviyyəsi aşağı düşəcək. Özünüzü qoruyun. Ağır fiziki iş, yorucu məşğuliyyət məsləhət deyil. Yeməyinizə fikir verin.
Axşam saatlarında gəzintiyə çıxın.
Əkizlər - günün ilk yarısında çətinliklər olacaq. Əzmli davransanız, onların öhdəsindən gələ bilərsiniz. Hiyləgər taktika və effektiv strategiya hazırlayaraq irəliləyin. Adi günlərlə müqayisədə dostlar və tanşılar məsləhət, yardım üçün daha çox müraciət edirlər. Təcrübəniz onları səhvlərdən xilas edə bilər.
Günün ikinci yarısı yaxşı tanıdığınız insanlarla ünsiyyətlə bahəm, yeni münasibətlər üçün əlverişlidir. Çoxdan bəri sizi narahat edən problemləri yaxşı bələd olmadığınız insanlarla müzakirə etməyin. Belə müzakirələrdə həll variantı tapılmayacaq, amma əvəzində əhvalınız korlanacaq.
Axşam saatlarında normal istirahət edin.
Xərçəng - təşəbbüskarlığın nümayişi, yeni və mürəkkəb işlərə başlamaq üçün əlverişli zamandır. Qüvvələrinizi yanlış dəyərləndirməyin. İmkanınız xaricində olan işə başlamayın. Sizə kömək edə biləcək insana yardım üçün müraciət etməkdən çəkinməyin. Yaxın ətrafınızdakı insanların sizə rəğbəti artacaq. Yeni romantik hisslər istisna deyil.
Günün ikinci yarısı ailə və məişət qayğılarının həlli üçün yaxşıdır. Yaşam arealınızı qaydaya salın, təmizkar və intizamlı olun. Axşam saatlarında qonaqlar gələ bilər. Əks cins mənsubu ilə ünsiyyətdə diqqətli olun.
Şir - bəzi işlər nəzərdə tutduğunuz kimi getmirsə, narahat olmayın. Yaranan problemlər müvəqqətidir və çətinliklə də olsa, həll edilə bilər. Köç və ya təmirə hazırlaşırsınızsa, anlaşılmazlıqlara, kiçik çətinliklərə hazır olun.
Xərclər artacaq.
Günün ikinci yarısında sevdiyiniz insanla fikir ayrılıqları yaranacaq. Ən cüzi, xırda məsələ mübahisəni alovlandıra bilər. Rəğbət bəslədiyiniz insanların zəifliklərinə normal yanaşın. Başqalarının səhvləri zarafat mövzusu deyil.
Qız - günün ilk yarısı mürəkkəb olacaq. Emosional fon əlverişli deyil. Yanınızdakı insanlarla çətinliklə də olsa, dil tapın. Ünsiyyəti bir qədər məhdudlaşdırın. İmkan varsa, sürəkli olaraq sizi tənqid edən, səhvlərinizi xatırladan insanlarla təmaslardan imtina edin.
Günün ikinci yarısı xoş sürprizlər vəd edir. Müsbət təmayüllərin təsirindən faydalanın. Təxəyyülü işə salın. Yazılmamış qanunlar, ənənələr çərçivəsindən çıxın. Stereotipləri dağıdın.
Tərəzi - intuisiyanızı dinləsəniz, ağır fəsadlı səhvlərə yol vermək riskindən qurtula bilərsiniz. Kompleksləriniz və nöqsanlarınızı araşdırın. Qarşınıza yeni məqsədlər qoyun. Enerji səviyyəniz artır.
Çoxdan bəri yolunuzda qalmış sədlərlə maneələri dəf edə bilərisiniz.
Günün ikinci yarısında metamorfozlarınız yaxın ətrafınızdakı insanları qıcıqlandıra bilər. Sizə dəyər verən insanlardan dəstək alacaqsınız.
Yeni, mühüm işlərə başlamaq, uzunmüddətli planlar qurmaq olar.
Əqrəb - kimsəyə imkan verməyin ki, sizi aldatsın. İntuisiyanız kəskin olsun. Köhnə və yeni tanışların niyyətlərini təhlil edin. Yaxın ətrafınızdakı insanların davranışlarını diqqətlə izləyin. İndiyədək səmimiyyət və dostluq pərdəsi altında sizə qarşı mənhus planlar hazırlayan şəxslə mübarizəyə başlayın.
Günün ikinci yarısı bilik və bacarıqların artırılması üçün əlverişlidir. Faydalı təcrübədən yararlanın. Ən çətin işin öhdəsindən gələ bilərsiniz. Bir şərtlə ki, bildiyinizi edəsiniz və kənar təsirlərə uymayasınız.
Oxatan - asan qələbələrə bel bağlamayın. Rəqibləri üstələyərək bədxahların məkrli tələsinə düşməyin. Situasiya o qədər də asan deyil. Baş verənləri anlamaq üçün səbrli olun. Dedutiv bacarığınızı işə salın.
Günün ikinci yarısı maliyyə, peşəkar fəaliyyət və əmlakla bağlı məsələləri həll etmək üçün sərfəlidir. Çərçivələrlə məhdudlaşmayın. İntellektual potensialınız yüksəkdir. Axşam saatlarına qədər məhsuldar işləyin.
Oğlaq - təmkinli və soyuqqanlı olun. Səbrli davransanız, problemləri həll edə bilərsiniz. Planlarınızın alt-üst olmasını seyr etmək asan deyil. Dəyər verdiyiniz insanlar səhvləri sıralayırlar.
Emosional olsanız, düşünülməmiş addımlar ata bilərsiniz. Bunun isə nəticələri heç yaxşı olmayacaq.
Günün ikinci yarısında yaşlı qohumlarla fikir ayrılıqları olacaq. Ailədə sülhü qorumaq asan deyil. Təxribatlara uymayın, vədlərə inanmayın. Prinsiplərinizə sadiq qalın. Yalnız belə olarsa, situasiyanı nəzarətdə saxlaya biləcəksiniz.
Dolça - parlaq, yaddaqalan, qeyri-adi qərarlar və əməllər zamanıdır. İndiyədək sizin bacarıqlı adam olduğunuzu etiraf etmək istəməyənlər pərişan qalacaqlar. Planlaşdırılmamış görüş, xoş sürpriz, qeyri-adi tapıntılar ola bilər.
Həyatdan həzz alın, taleyin hədiyyələrinə sevinin.
Günün ikinci yarısında müsbət təmayüllərin təsiri artacaq. Yaxın ətrafınızdakı insanlarda özünüzlə bağlı müsbət fikir formalaşdırın.
Axşam saatlarını sevdiyiniz insanla keçirin.
Balıqlar - narahatlıq və nigaranlıq üçün heç bir səbəb yoxdur. Günün ilk yarısında peyda olacaq səbəbsiz təlaşın öhdəsindən gəlin. Gərilmiş əsəblərə fikir verməyin. Belədə tezliklə sakitləşə bilərsiniz.
Alış-veriş üçün yaxşı zamandır. Aldığınız əşyaların orijinal olmasına can atın.
Günün ikinci yarısında yeni tanışlıqlar olacaq. İlk dəfə gördüyünüz insanların hamısı ilə sonradan təmasları qorumağa dəyməz. Mənasız əlaqələr və dəyərsiz insanlardan qurtulun.
