AZ
RU
ASAPES-də əcnəbi müəllimlərin tədrisə cəlb olunması davam edir -FOTOLAR
Yenixeber.org: Rusiya Beynəlxalq Olimpiya Universitetinin, Moskva Dövlət Universitetinin, eləcə də Plexanov adına Rusiya İqtisad Universitetinin müəllimi, "Dinamo" - Ümumrusiya Bədən Tərbiyəsi və İdman Cəmiyyətinin sədr müavininin müşaviri Volosov Anatoliy Anatoliyeviç ASAPES-in qonağı olub. O, ASAPES ilə Rusiya Federasiyası Xarici İşlər Nazirliyinin Moskva Dövlət Beynəlxalq Münasibətlər İnstitutu (Universiteti) (MGİMO) ilə ikili diplom proqramı çərçivəsində tədrisi rus dilində aparılan “İdman menecmenti“ magistr proqramının II tədris ili tələbələrinə “İdmanda layihələrin idarə edilməsi” modulunu tədris edib.Modulun tədrisi zamanı “İdman təşkilatlarının və sahibkarlığın fəaliyyətinin optimallaşdırılması problemləri”, “Layihələrə resurs dəstəyi”, “İdman layihəsi üzərində işin əsas mərhələləri”, “İdman layihəsinin hazırlanması”, “Startapın stabil şirkətə çevrilməsi” və s. kimi mövzulardan bəhs edərək, peşəkar idmanın idarə olunması üçün maliyyə mexanizminin optimallaşdırılması istiqamətləri araşdırılıb.
