Srdjan Cokovic "Z" hərfi olan köynək geyinmiş fanatla şəkil çəkdirib.

“Yenixeber.org” sport.unian.net-ə istinadən məlumat verir ki, “Böyük Dəbilqə” yarışlarının 21 qat qalibi Novak Cokoviçin atası Srdjan Cokoviç Avstraliya Açıq çempionatına Rusiya bayraqları və Putinin şəklini gətirən fanatları ilə video çəkdirib.

“Daily Mail” nəşri yazır ki, insident Novak Cokoviç - Andrey Rublev arasında keçirilən və üç setdə serblərin qələbəsi ilə başa çatan matçdan sonra baş verib.

Məşhur tennisçinin atası köynəyində “Biz haradayıqsa, Rusiya da oradadır” yazılmış və  “Z” hərfi təsvir olunmuş fanat ilə foto çəkdirib.

Bundan əlavə, videoda Srdjan Cokoviçin “Yaşasın ruslar”, - dediyi fraqment də var. Bildirilir ki, “Australian Open”in təşkilatçıları artıq komandaya və Novak Cokoviçin ailəsinə siyasi bəyanatlardan çəkinmək üçün müraciət ediblər.

Ştat polisi çərşənbə gecəsi turnirin Melbourne Park kompleksində terrorçu ölkənin çoxsaylı bayraqlarını, o cümlədən birində Putinin şəkli olan bayraqları dalğalandırarkən rusiyapərəst şüarlar səsləndirdikləri üçün dörd nəfəri saxlayıb.

 Tərcümə etdi: Səadət Sultan