AZ
RU
Türkiyədən mənzil alan azərbaycanlıların sayı azaldı, rusların sayı kəskin artdı –Rəqəmlər
Bu ilin 11 ayı ərzində Azərbaycan vətəndaşları Türkiyədən 1 191 mənzil satın alıblar.
Yenixeber.org: Türkiyə Statistika Xidmətindən açıqlanan məlumatlarda bildirilir ki, azərbaycanlılar ötən ay - noyabrda Türkiyədən 104 mənzil alıblar.
Ötən ilin eyni dövrü ilə müqayisədə bu ilin noyabr ayında Türkiyədən mənzil alan azərbaycanlıların sayı azalıb. Belə ki, 2021-ci ilin noyabr ayında azərbaycanlılar Türkiyədən 185 mənzil alıblar.
Onu da bildirək ki, son ildə 8 ildə Azərbaycan vətəndaşları Türkiyədn 8 min 795 mənzil alıblar:
| İllər | Mənzillərin sayı |
| 2015 | 815 |
| 2016 | 610 |
| 2017 | 942 |
| 2018 | 1 250 |
| 2019 | 1 191 |
| 2020 | 1 279 |
| 2021 | 1 517 |
| 2022 Yanvar-Noyabr |
1 191 |
| Cəmi | 8 795 |
Onu da bildirək ki, bu ilin ilk 11 ayı ərzində Türkiyədən ən çox Rusiya (13 min 909 mənzil), İran (7 min 548 mənzil), İraq (5 min 896 mənzil), Almaniya (2 min 493 mənzil), Qazaxıstan (2 min 436 mənzil) və Ukrayna (2 min 268 mənzil) vətəndaşları mənzil alıb. Əvvəlki illə müqayisədə Türkiyədən mənzil alan Rusiya vətəndaşlarının sayı 2 dəfədən çox artıb. Belə ki, 2021-ci ildə Rusiya vətəndaşları Türkiyədən 5 min 379 mənzil alıblar.
