AZ
RU
RUSİYA MN İZYUMDAN QAÇIŞA "DON GEYİNDİRDİ" -"Yenidən qruplaşdırılır..."
Rusiya qoşunları Balakleya və İzyumdan Donetsk istiqamətində qruplaşdırılıb.
Yenixeber.org: Bu barədə Rusiya Müdafiə Nazirliyindən bildirilib.
Qeyd olunub ki, Balakleya və İzyumda olan Rusiya qoşunları Donetsk istiqamətində yenidən qruplaşdırılıb.
“Donbasın azad edilməsi üzrə xüsusi hərbi əməliyyatın bəyan edilmiş məqsədlərinə nail olmaqdan ötrü Donetsk istiqamətində səyləri gücləndirmək üçün Balakleya və İzyum bölgələrində yerləşən Rusiya qoşunlarının yenidən qruplaşdırılması qərara alınıb”, - bildirilib.
Bu məqsədlə “İzyum-Balakleya” qoşun qruplaşmasının üç gün müddətinə “Donetsk Xalq Respublikası” ərazisinə köçürülməsi və yerləşdirilməsi məqsədilə əməliyyat keçirilib.
Rusiya MN-in bu açıqlaması Xarkov istiqamətindəki biabırçı məğlubiyyətə və qaçışa "don geyindirməkdən" başqa bir şey deyil. Bu, 44 günlük müharibədə erməni ordusunun "taktiki geriçəkilmə"sini xatırladır.
"Azpolitika"
.jpg)
