AZ
RU
Qarabağda bərpası nəzərdə tutulan abidələrin siyahısı açıqlanıb
"Münaqişədən sonra biz bərpa və yenidənqurma mərhələsinə başlamışıq. Buradakı mədəni irs Azərbaycandakı mədəni müxtəlifliliyi əks etdirir".
Yenixeber.org: Bunu Qarabağ iqtisadi rayonuna daxil olan işğaldan azad olunan ərazilərdə (Şuşa istisna olmaqla) Prezidentin xüsusi nümayəndəsi Emin Hüseynov Şuşadakı "Münaqişədən sonrakı humanitar gündəliyin inkişafı: mədəni mühitin canlandırılması yolu ilə davamlı inkişaf” mövzusunda beynəlxalq konfransında çıxışı zamanı deyib.
O qeyd edib ki, artıq Qarabağda bir sıra abidələrin bərpası prosesi başlayıb: "Biz artıq Ağdam Cümə məscidinin və Xocavənd və Tərtər rayonlarındakı xristian abidələrinin bərpasına başlamışıq".
Emin Hüseynov gələcəkdə bərpası nəzərdə tutulmuş mədəni irslərin də adını çəkib: "Eyni zamanda, Xurşudbanu Natəvanın heykəlinin, Nizaminin məşhur qəhrəmanı olan Fərhadın Ağdamdakı heykəlinin, İmarət sarayının və İmarət stadionunun bərpasını da planlaşdırmışıq".
