AZ
RU
ABŞ Suriyaya 800 milyon dollardan çox yardım ayırıb
“ABŞ Suriyaya 800 milyon dollardan çox humanitar yardım ayırıb”.
Yenixeber.org: Bunu ABŞ-ın BMT-dəki daimi nümayəndəsi Linda Tomas-Qrinfild söyləyib.
“Qürur hissi ilə bildirirəm ki, Birləşmiş Ştatlar Suriya xalqına 800 milyon dollardan çox yeni humanitar yardım edəcək. Bu, bundan əvvəlki Brüssel konfransında ABŞ tərəfindən elan edilən yardımdan çoxdur”, - o vurğulayıb.
Diplomat qeyd edib ki, Ukraynadakı vəziyyətlə əlaqədar Afrikada, Yaxın Şərqdə, o cümlədən Suriyada kəskin taxıl və gübrə çatışmazlığı yaranıb.
Qeyd edək ki, ötən gün Brüsseldə Suriya donorlarının xarici işlər nazirləri səviyyəsində toplantısı keçirilib. Toplantıya Rusiya dəvət edilməyib. Qurumun sonuncu - 5-ci yığıncağı 2021-ci il martın sonunda keçirilib.
