AZ
RU
.jpg)
ABŞ Rusiyaya qarşı yeni sanksiyalar tətbiq edəcək-RƏSMİ
ABŞ hakimiyyəti Rusiyaya qarşı yeni sanksiyaların tətbiqi imkanlarını nəzərdən keçirməkdə davam edir və çox güman ki, bu istiqamətdə əlavə tədbirlər görəcək.
Yenixeber.org: Bu barədə Ağ Evin mətbuat katibi Cen Psaki növbəti brifinq zamanı bildirib.
Onun sözlərinə görə, Amerikanın məhdudlaşdırıcı tədbirlərindən qorunacaq insanlar yoxdur.
“Biz artıq Prezident (Rusiyanın dövlət başçısı - red) Putinə, eləcə də onun qızlarına, ən yaxın adamlarına qarşı sanksiyalar tətbiq etmişik. Əlavə icmal aparmağa davam edəcəyik. Yəqin ki, başqa bir şey edəcəyik”, - o deyib.
2022-ci ilin fevralın 24-də Rusiya Ukraynaya qarşı müharibəyə başlayıb. Rusiyada “xüsusi hərbi əməliyyat” adlanan bu müharibədə indiyədək Ukraynanın bir sıra şəhərləri işğal edilib. Minlərlə dinc sakin həlak olub, milyonlarla insan yurdlarından didərgin salınıb. Müharibənin ilk günlərindən Qərb Rusiyaya qarşı ən sərt iqtisadi sanksiyaları işə salıb. Sanksiyalar ilk dəfə olaraq humanitar sahələrə də toxunub.(TASS)
