AZ
RU
Nazirlik:“Bəzi müəllimlər uşaqlara həddindən artıq ev tapşırığı yükləyir”
“Məktəblərdə tədris proqramı ağır deyil. Sadəcə bir qrup müəllim var ki, onlar uşaqların akademik yüklənməsini daha yaxşı öyrənmələri üçün vasitə sayırlar, məsələyə belə yanaşırlar. Ona görə də uşaqlar ev tapşırığı ilə həddindən artıq yüklənir”.
Yenixeber.org: Bunu Təhsil Nazirliyinin Ümumi və məktəbəqədər təhsildə məzmun, tədris və qiymətləndirmə şöbəsinin müdiri Vəfa Yaqublu “Təhsil masası”nda deyib.
O bildirib ki, həmin müəllimlərlə iş aparılmalıdır: “Çünki 45 dəqiqə öyrənmək üçün kifayət qədər uyğundur. Şagird hətta oynaya-oynaya qəliz tapşırığı qavraya bilər. Müəllim metodikanı yaxşı quranda, tapşırıqları düz seçəndə uşaq çox rahat, sevə-sevə öyrənir. Uşaqların dərs yükünün optimallaşdırılmasını həyata keçirmək üçün bəzi müəllimlərlə işləməliyik”.
(29).jpg)
