An-12 yük təyyarəsinin qəzaya uğradığı yerdə iki qara qutudan biri tapılıb.

Yenixeber.org: Bu barədə Rusiya Fövqəladə Hallar Xidmətinin nümayəndəsi məlumat verib.

O əlavə edib ki, tapılan cihazın texniki vəziyyəti yaxşıdır.

İrkutsk vilayətinin qubernatoru İqor Kobzev isə bildirib ki, təyyarənin göyərtəsində olan hər kəs həlak olub.

***

 17:44
İrkutskda “An-12” yük təyyarəsinin qəzaya uğraması nəticəsində 5 nəfərin meyitlərinin qalıqları tapılıb.

Bu barədə təcili xidmətdən bildirilib.

Təyyarənin göyərtəsindəki daha 3 nəfərin taleyi hələlik naməlumdur.

***

 17:22
Rusiyanın İrkutsk vilayəti yaxınlığında göyərtəsində 8 nəfər olan “An-12” təyyarəsi qəzaya uğrayıb.

Təyyarə İrkutsk şəhərindən 7 kilometr aralıda yerləşən Povovarixa yaşayış məntəqəsində qəzaya düşüb.

Bildirilib ki, təyyarə Yakutskdan İrkutska uçurmuş.Hadisə yerinə xilasedicilər göndərilib.

Son məlumata görə isə İrkutskda “An-12” yük təyyarəsinin qəzaya uğraması nəticəsində 2 nəfər ölüb.

Təyyarənin göyərtəsindəki daha 5 nəfərin taleyi hələlik naməlumdur.(“RİA Novosti”)