NATO ölkələrinin xarici işlər nazirləri Əfqanıstanla bağlı bəyanat qəbul edib
Yenixeber.org: Bu barəd NATO-nun saytında məlumat yerləşdirilib. Birgə bəyanat bu gün XİN başçılarının Əfqanıstandakı vəziyyətlə bağlı fövqəladə iclasından sonra qəbul olunub.
Bəyanatda bildirilib ki, NATO xarici işlər nazirləri Əfqanıstandakı hadisələrdən narahatdır. XİN başçıları ölkədə şiddət və zorakılığın dərhal dayandırılması üçün çağırış ediblər: 

“BMT Təhlükəsizlik Şurasının 16 avqust tarixli bəyanatına sadiq olduğumuzu təsdiqləyir, insan hüquqlarına və beynəlxalq humanitar hüququn norma və standartlarına hər vəziyyətdə riayət edilməsinə çağırırıq”.

Mövcud şəraitdə NATO Əfqanıstan hakimiyyətinə bütün dəstəyi dayandırıb. 

Gələcək hökumət Əfqanıstanın beynəlxalq öhdəliklərinə riayət etməlidir; başda qadınlar, uşaqlar və azlıqlar olmaqla bütün Əfqanların insan haqlarını qorumaq; qanunun aliliyini qorumaq; maneəsiz humanitar girişə icazə vermək; Əfqanıstanın bir daha terrorçular üçün sığınacaq olaraq xidmət etməməsini təmin etmək”, - deyə bəyanatda vurğulanıb.