AZ
RU
Doktoranturaya imtahanla bağlı narazılıq: -“2 sual yanlış tərtib olunmuşdu“
20 iyun 2021-ci il tarixində keçirilmiş doktorantura qəbul imtahanında imtahan iştirakçılarının çoxu nəticələrdən narazıdır.
Yenixeber.org: Qəbul üçün nəzərdə tutulmuş 25 baldan aşağı nəticə göstərənlərin nəticələri qeyri-məqbul hesab edilib.
Həmçinin, imtahanın keçirilmə tarixinin namizədlərə gec çatdırılması və cari ilin məzunlarının magistr dissertasiya müdafiəsinə hazırlanma mərhələsi ilə üst-üstə düşməsi bir çox namizədlərin nəticələrinin qeyri-məqbul sayılmasına səbəb olub.
Onlar eyni zamanda imtahanda iki sualın yanlış tərtib edildiyini və həmin sualların iştirakçıların əleyhinə hesablandığını bildiriblər:
“Listening” bölməsində 2 imtahan sualının cavabı səsləndirilən mətndə öz əksini tapmırdı. Buna baxmayaq, sualların cavabı iştirakçıalrda səhv cavab kimi qiymətləndirilib. Biz bunları nəzərə alaraq, keçid üçün nəzərdə tutulmuş minimal 25 balın yenidən müzakirə edilərək biz namizədlərin xeyrinə dəyişdirilməsini, keçidin 20 bala endirilməsini və öz ixtisasımız sahəsində elmi tədqiqat işlərimizi doktrantura səviyyəsində davam etdirməyimizə şərait yaradılmağını xahiş edirik”.
