Yenixeber.org: Müxtəlif mənbələr bu üzdəniraqın heykəlinin rus sülhməramlılarının mayın 9-da Xankəndində keçirməyə hazırlaşdığı parad öncəsi söküləcəyini bildirirdilər. Hətta bugünlərdə Qarabağdakı sülhməramlıların komandanı Rüstəm Muradovun əraziyə gələrək, söküntüylə bağlı göstəriş verdiyi, lakin ermənilərin buna imkan vermədiyi, nəticədə onlarla rus əsgərləri arasında qarşıdurma yarandığı iddia edilirdi.

Erməni mətbuatında bu məsələ ilə bağlı qondarma rejimin “təhlükəsizlik şurasının rəhbəri”, terrorçu Vitali Balasanyanın açıqlaması dərc olunub. Xatırladaq ki, bundan öncə erməni qəzetləri Balasanyanın heykəlin sökülməsilə bağlı tapşırıq verdiyini bildirilmişdi. Ancaq o, mətbuata son açıqlamasında belə bir göstəriş vermədiyini və bu məsələnin Xocavənddəki ermənilərin iradəsinə uyğun şəkildə həll olunacağını deyib: “Martuni (Xocavənd-red.) sakinləri həll edəcək, heykəl yerində qalsın, yoxsa muzeyə köçürülsün”.

Balasanyan deyib ki, heykəlin sökülməsi məsələsi ümumiyyətlə, gündəlikdə olmayıb, sadəcə onun harasa köçürülməsi müzakirə olunub.

Artıq Rusiyada da bu heykəllə bağlı bəzi siyasətçilərin və jurnalistlərin etirazlarına rast gəlinir. Ötən gün Vladimir Jirinovski bu məsələ ilə bağlı deyib: “Rusların, Moskvanın acığına Njde kimi faşistlərə abidələr ucaldılır. Faşistlərlə, cəlladlarla, terrorçularla əməkdaşlıq edənlərə abidə qoyulması yolverilməzdir. Əgər Njde ermənilərin Vlasovudursa, biz buna qarşıyıq. Faşistlərlə əməkdaşlıq edən kim olur olsun, ona ancaq mənfi münasibət olmalıdır”. 

Göründüyü kimi, ermənilər öz xilaskarları olan rusların tələb və təkidlərinə belə məhəl qoymurlar. Nəticədə rus əsgərlərinin Xankəndindəki paradı onların babalarının qatili olmuş faşist Njdenin heykəlinin kölgəsində keçəcək. Belə çıxır ki, ruslar, rus əsgəri, zabiti, ordu rəhbərliyi bunu özünə yaraşdırır və özünü belə alçaldıcı münasibətə layiq bilir.

“azpolitika”