“Ehtimal olunur ki, bu gün, eləcə də Operativ Qərargah içərisində buna görə hazırlıqlar gedir və davamlı bir şəkildə dünyanın və ölkənin bir çox parametrləri analiz olunaraq gələcəkdə bu qiymətləndirilmələr yenidən aparılacaq. Epidemioloji vəziyyət söndükdən sonra artıq açıq havada insanların maskasız şəkildə dolaşmaları üçün hüquqi bazanın hazırlanması istiqamətində addımlar atılacaq".
Yenixeber.org:  Bunu deputat Rəşad Mahmudov bildirib.
O əlavə edib ki, əgər ölkədə epidemioloji cəhətdən ciddi şəkildə alovlanma olmazsa, təmiz havada maskanın istifadəsi qanuni tərəfdən öz həllini tapacaq:
“Lakin bunu etmədən öncə hər bir hökumət yüz ölçüb bir biçmək məcburiyyətindədir. Çünki bu, sadəcə daxili ekspertlərin verəcəkləri qərarlara bağlı deyil. Bu qərarların arxasında Dünya Səhiyyə Təşkilatı və bu sahə üzrə olan institutların rəylərinin və razılıqlarının olması lazımdır. Əfsuslar olsun ki, bu gün həmin razılıqları almaq istəyən adiyyəti qurumlar qarşı tərəfdən konkret razılıq ala bilmədiyi üçün qızıl ortanı tutaraq zaman qazanmaq məcburiyyətində qalır”.