AZ
RU
Xəbər verdiyimiz kimi, Qubadlı rayonu ilə həmsərhəd bölgədə yerləşən Ermənistanın Sünik vilayətinin (Zəngəzur) Şurnux kəndinin bir hissəsi Azərbaycan ərazisinə düşüdüyü üçün ordumuz tərəfindn nəzarətə götürülüb. Eyni zamanda Ermənistanın Qafan şəhəri ilə Gorus şəhərini birləşdirən avtomobil yolu Şurnux kəndindən keçir və bu yol bəzi hissələrdə Azərbaycan ərazisinə daxil olur.
Yenixeber.org: Ermənistan mətbuatı bildirir ki, bu ölkənin Ombudsman Aparatı Şurnux kəndindən keçən avtomobil yolu ilə bağlı açıqlama yayıb.
Açıqlamada bildirilir ki, Qafan-Gorus avtomobil yolundan istifadə edən Ermənistan vətəndaşları yol kənarında Azərbaycan əsgərlərini, bayraqlarını və “Azərbaycana xoş gəlmisiniz” yazılan lövhələri gördükləri zaman narahat olurlar.
Ermənistanın Ombudsman Aparatı iddia edir ki, yaşayış məntəqələrini birləşdirən yollarda Azərbaycan silahlı qüvvələrinin (bayraq və lövhələr) olması beynəlxalq insan haqlarına ziddir.
