AZ
RU
“Aİ-92” markalı benzini xaricə 28 qəpiyə, özümüzə 90 qəpiyə satırıq
Yola saldığımız 2020-ci ilin ilk 10 ayı ərzində Azərbaycandan xaricə oktan ədədi 95-dən az olan (“Aİ-92”) 64 min 134,1 ton benzin ixrac edib.
Yenixeber.org: Dövlət Statistika Komitəsinin açıqladığı statistik göstəricilərə əsasən, ixrac olunan benzinin ümumi dəyəri 14 milyon 146,3 min dollar olub. Rəqəmlərdən də göründüyü kimi, ötən ilin yanvar-oktyabr aylarında Azərbaycanın ixrac etdiyi 1 ton “Aİ-92” markalı benzinin gömrük dəyəri 220,6 dollar (375 manat) olub.
Onu da bildirək ki, ötən ilin ilk 10 ayında daxili bazarda 1 ton “Aİ-92” markalı benzinin topdansatış qiyməti 1052 manat, pərəkanda satış qiyməti 1180 manat olub.
Açıqlanan məlumatlardan belə görünür ki, ötən ilin yanvar-oktyabr aylarında Azərbaycandan xaricə satılan “Aİ-92” markalı benzinin 1 litri 28 qəpik, daxili bazarda satılan “Aİ-92” markalı benzinin topdansatış qiyməti 1 litr üçün 80 qəpik, pərəkanda satış qiyməti isə 1 litr üçün 90 qəpik olub.
