Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

Erməni təcavüzü nəticəsində -14 yaşlı yeniyetmənin həlak olduğu kənd

Erməni təcavüzü nəticəsində 14 yaşlı yeniyetmənin həlak olduğu kənd

Təcavüzkar Ermənistan dinc əhaliyə qarşı terror əməlləri həyata keçirib.

Yenixeber.org: Cəbhə bölgəsinə ezam olunmuş əməkdaşımız düşmənin Ağcabədi rayonunun Taynaq kəndini atəşə tutması nəticəsində həlak olmuş kənd sakini 2006-cı il təvəllüdlü Fərid İsgəndərovun yaşadığı evdən reportaj hazırlayıb.

Üç bacının bir qardaşı olan 14 yaşlı Fərid kənd ərazisində yeməkxanada əmisi ilə birgə yemək yeyən zaman düşmən mərmisinə tuş gəlib. Yeməkxanaya mərminin düşməsi nəticəsində Fərid İsgəndərov dağıntılar altında qalaraq həlak olub. Fəridin ailə üzvləri bu hadisəni erməni təcavüzü, erməni terroru adlandırırlar.

"Report"un əməkdaşı ilə söhbət edən Fəridin valideynləri övladlarının bütün arzularının yarıda qaldığını söyləyiblər.

Düşməndən qorxmadıqlarını söyləyən Taynaq kənd sakinləri səngərdə dayanan əsgərlərimizə güvəndiklərini bildirdilər.

Qeyd edək ki, faktla bağlı Ağcabədi Rayon Prokurorluğunda Azərbaycan Respublikasının Cinayət Məcəlləsinin 100.2 (təcavüzkar müharibəni aparma), 120.2.1 (cinayətkar birlik–təşkilat tərəfindən qəsdən adam öldürmə), 120.2.4 (xüsusi amansızlıqla və ya ümumi təhlükəli üsulla qəsdən adam öldürmə), 120.2.12 (milli, irqi, dini ədavət və ya düşmənçilik niyyəti ilə qəsdən adam öldürmə), 186.3-cü (əmlakı qəsdən məhv etmə və ya zədələmə xüsusilə külli miqdarda ziyan vurmaqla törədildikdə) və digər maddələri ilə cinayət işi başlanıb. (report)


Facebook-da paylaş

Yeni xəbərlər

Reklam

Reklam