AZ
RU
272 nömrəli məktəbdə valideynlərdən attestat üçün pul yığımı: verilən cəza yetərlidirmi?
Yenixeber.org: 272 nömrəli tam orta məktəbdə baş verən hadisə cəmiyyətin, xüsusilə də valideynlərin haqlı narahatlığına səbəb olub. Belə ki, məktəbin 11-ci sinif şagirdlərinin sinif rəhbəri olan Mehriban Yusifova Soltanmurad qızı, valideynlərdən attestat üçün pul toplamağa cəhd edib. Hadisə valideynlərin şikayətindən sonra məktəb rəhbərliyinin diqqətinə çatdırılıb və direktor Anar Mustafazadə İbrahim oğlu tərəfindən müəllimə töhmət verildiyi, həmçinin onun artıq sinif rəhbəri kimi fəaliyyət göstərməyəcəyi bildirilib.
Lakin məsələ bununla yekunlaşmayıb. Apardığımız araşdırmalar göstərir ki, müəllimənin atdığı bu qanunsuz addım yalnız daxili intizam tədbirləri ilə məhdudlaşmamalı, eyni zamanda hüquqi müstəvidə də qiymətləndirilməlidir. (Bakunews.az)
