AZ
RU
.jpg)
ASAPES-də Bədən Tərbiyəsi və İdman Günü münasibətilə dəyirmi masa keçirilib -VİDEO
5 mart - Bədən Tərbiyəsi və İdman Günü münasibətilə Elmi innovasiyalar mərkəzində Akademiyanın prorektorları, kafedra müdirləri, müəllim və tələbə heyətinin iştirakı ilə dəyirmi masa keçirilib.
Yenixeber.org: Mərkəzin direktoru Bəxtiyar Rüstəmov tədbir iştirakçılarını əlamətdar gün münasibətilə təbrik etdikdən sonra Akademiyanın İdman işləri üzrə prorektoru, Olimpiya və 2 qat dünya çempionu Fərid Mansurov 5 mart - Bədən Tərbiyəsi və İdman Gününün tarixi haqqında ətraflı məlumat verib. O bildirib ki, Ümummilli Lider Heydər Əliyevin müdrikliyi və uzaqgörən idman siyasəti sayəsində Azərbaycan idmanı yüksək inkişaf tempi ilə dünya ölkələri arasında qabaqcıllar sırasına çıxıb və uğurlu nəticələr əldə edilib. Ulu Öndərin uğurlu siyasətini davam etdirən dövlət başçısı cənab İlham Əliyevin 2005-ci il 4 mart tarixli Sərəncamına əsasən hər il 5 mart tarixi Bədən Tərbiyəsi və İdman Günü kimi qeyd edilir. Ölkəmizdə idmanın inkişafı ildən-ilə daha geniş vüsət alır və Azərbaycan dünyada güclü idman ölkəsi kimi tanınır.
Heydər Əliyev Mərkəzində kitab sərgisindən sonra tədbir Akademiyanın idman zallarında müxtəlif idman növlərinin nümayişi ilə davam etdirilib.
