Azərbaycanda adın, ata adının və soyadın dəyişdirilməsi ilə bağlı rəsmi orqanlara edilən müraciətlərin sayı azalıb.

Yenixeber.org: Ədliyyə Nazirliyindən bildirilib ki, 2018-ci ildə ölkədə 2891 şəxs adın, ata adının və soyadın dəyişdirilməsi ilə bağlı müraciət edib.

2017-ci ildə bununla bağlı müraciət edənlərin sayı 3013 nəfər, 2016-cı il ərzində 2967 nəfər, 2015-ci ildə isə 2314 nəfər olub.

Müraciətlərdə vətəndaşlar tərəfindən adların dəyişdirilməsinə əsas səbəblər kimi adın normal səslənməməsi, çətin tələffüz edilməsi, milliyyətə, cinsə uyğun gəlməməsi, mənası və s. göstərilib.

Sоyаdın sоnluğunun dəyişdirilməsi hər bir vətəndаşın ərizəsinə əsаsən həyаtа kеçirilir. Ərizəni 18 yаşınа çаtmış vətəndаşlаrın özü, 18 yаşınа çаtmаyаn şəxslərin isə vаlidеynləri və digər qаnuni nümаyəndələri (övladlığa götürənlər, qəyyum və ya himayəçilər) təqdim еdirlər.

Qanunvericilik adın, ata adının, soyadın dəyişdirilməsinə müəyyən hallarda - ərizə verən şəxs cinayət mühakimə icraatına şübhəli və ya təqsirləndirilən şəxs qismində cəlb edildiyi dövrdə, şəxsin götürülməmiş və ya ödənilməmiş məhkumluğu, barəsində tibbi xarakterli məcburi tədbirlər tətbiq edilmiş olduqda аdın, аtа аdının və sоyаdın dəyişdirilməsinə icazə verilmir.