AZ
RU
3,9 milyard nəfər internetdən istifadə edəcək
Planet əhalisinin yarıdan çoxu internetdən istifadə edəcək.
Yenixeber.org: Beynəlxalq Telekommunikasiya İttifaqının (BTİ) məlumatına görə, 2018-ci ilin sonunda 3,9 milyard nəfər (planet əhalisinin 51,2%-i) internetə çıxış imkanına malik olacaq.
Birləşmiş Millətlər Təşkilatının informasiya texnologiyaları üzrə mütəxəssisləri müvafiq araşdırma aparıblar.
Onların məlumatına görə, 13 il ərzində Afrika ölkələrində internetə çıxışa malik əhalinin payı 2005-ci ildə 2,1 faizdən 2018-ci ildə 24,4 faizədək yüksəlib.
Bundan başqa, internetə çıxış imkanına malik olan dünyanın inkişaf etmiş ölkələrində yaşayan sakinlərin sayı 51,3-dən 80,9%-dək, inkişaf etməkdə olan ölkələrdə isə 7,7-dən 45,3%-dək yüksəlib.
MDB ölkələrində internetin nüfuzetmə səviyyəsi orta hesabla 71,3%, Avropa dövlətlərində isə 79,6% təşkil edir.
