Bakıda bayram yarmarkaları fəaliyyətə başlayır. Artıq bununla bağlı metrostansiyaların yaxınlığında çadırlar da qurulur. Bayram yarmarkaları martın 25-ə kimi fəaliyyət göstərəcək

Yenixeber.org: Müxtəlif hədiyyələr, səmənilər, şamlar və ətirlər..

Artıq Paytaxtın müxtəlif yerlərindən Bakı Şəhər İcra Hakimiyyəti Xidmət və Ticarət Departamenti tərəfində 8 mart Beynəlxalq qadınlar günü və Novruz bayramı ilə əlaqədar bayram çadırları qurulur.Belə çadırlardan biri ilk olaraq metronun 28 may stansiyasının qarşısında qurulub.Bu yarmarkalarda bir çox məhsullar satışa çıxarılıb.

Satıcıların sözlərinə görə burda satılan məhsullar digər yerlərlə müqaisədə ucuzdur.

Bakı Şəhər İcra Hakimiyyəti Xidmət və Ticarət Departamentinin mətbuat xidmətinin rəhbəri Əlabbas Bağırov bildirib ki, bayram yarmarkaları metronun "Elmlər Akademiyası", "İnşaatçılar", "Nəriman Nərimanov" və "Neftçilər" stansiyalarının qarşısında da qurulacaq.Bununla yanaşı,bayram çadırları təkcə metrostansiyaların qarşısında yox insanların sıx olduğu digər yerlərdə də quraşdırlması nəzərdə tutulub. Bayram yarmarkaları martın 25-ə kimi fəaliyyət göstərəcək.Qurum rəsmisi həmçinin bildirdi ki,yarmarkalarda qiymət artımının qarşısını almaq üçün əməkdaşlar tərəfindən ciddi nəzarət olacaq.