Xeberinfo.com:   Cəlilabad səhiyyəsinin vəziyyəti ilə bağlı paylaşılan iki hadisəni Teref.info olaraq sizlərə təqdim edirik:
Bir neçə gün öncə Diaqnostika Mərkəzində Həziabad kəndindən yaşlı xəstəni əməliyyət ediblər. Xəstə gecə üçün palataya yerləşdirilib. Sabah isə həkimlər gəlib görüblər ki, xəstə palatada keçinib. Heç kim deyə bilməyib ki, xəstə saat neçədə keçinib, çünki gecə xəstəyə baxan olmayıb. Mərkəzin baş həkimi Eldar Hacıyev mərhumun cəsədini dərhal kəndə göndərib. Eldar Hacıyev mərhumun ailəsinə yas xərclərini öz üzərinə götürəcəyini söz verib-əgər ailə üzvləri heç kimə şikayət etməsə. Bu belə....

Daha sonra şikayətçi yazır, 10 gün öncə Bədirli kəndində avtoqəzaya düşmüş Mais Əzizov iki gün öncə Mərkəzi xəstəxanada dünyasını dəyişdi. Amma həkimlər düz bir həftə ərzində deyirdilər ki, xəstə üçün həyatı təhlükə yoxdur, pasiyent yaşayacaq. Hətta xəstəni başqa rayona aparmağa da qoymayıblar, söz veriblər ki, xəstə sağalacaq. Və nəticədə Mais Əzizov qəflətən rəhmətə getdi.
Adları çəkilən müəsisələrin rəhbərlərinin fikirlərini dinləməyə hazırıq!