AZ
RU
Abşeronda müəssisələrin birindən çıxan tullantı ətrafda yaşayan sakinləri qorxuya salıb.
Yenixeber.org: Yaxınlıqda yaşayan sakinlər iddia edir ki, “Fortis Group MMC” müəssisəsində istehsal olunan məhsulların tullantıları onları zəhərləyir. Evlərin 10 metrliyində yerləşən müəssisədən çıxan ağ rəngli tullantı həyətlərə, hətta evlərə qədər gəlib çatır.
Sakinlərin sözlərinə görə, kimyəvi tərkibli bu maddə, gips istehsalında istifadə olunur.
Mövcud vəziyyətlə bağlı adı çəkilən müəssisədən “XəzərXəbər”ə bildirilib ki, “Fortis Group MMC” şirkətində məhsulların istehsalında müasir standartlara cavab verən avadanlıqlardan istifadə olunur. Həmin avadanlıqlara 10 ədəd toztutucu qurğular mövcuddur. Qeyd olunan avadanlıqlar hər il Ekologiya və Təbii Sərvətlər Nazirliyi tərəfindən müvafiq ekspertizadan, sınaqdan keçirilir
Bildirmək istəyirik ki, həmin ərazidə yaşayan sakinlər tərəfindən evlər, zavod fəaliyyətə başlayandan sonra tikilib və heç bir qanuni sənəd mövcud deyil. Sakinlər tərəfindən iddia olunan tozun bizim zavodla hec bir əlaqəsi yoxdur, tamamilə təxribat xarekteri daşıyır. Sakinləri məqsədi bu yolla öz torpaqlarını şirkətə satıb, pul əldə etməkdir.
Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova isə bildirib ki, məsələ araşdırlacaq və nəticəsi barədə məlumat veriləcək. Qurum tərəfindən yoxlamalar aparılacaq əgər hər hansı bir qanunsuzluq aşkarlansa, deyilən faktlar təstiqini taparsa, o zaman şirkət barəsində qanuna müvafiq tədbir görüləcək.
.jpg)
