AZ
RU
Sabiq DSK sədri Oğuzda yarım milyonluq ticarət mərkəzi tikdirir -FOTO
Azərbaycanda vəzifəli şəxslərin böyük bizneslərə, villalara, obyektlərə sahib olmaları barədə çox yazılıb.
Yenixeber.org: Dövlətdən maliyyələşən təşkilatlara rəhbərlik edən bəzi məmurların sahib olduqları var-dövlətlə aldıqları məvaciblər paradoksallıq təşkil edir.
Əldə etdiyimiz məlumata görə bu cür məmurlardan biri də uzun illər 113 saylı Şəki Şəhər Dairə Seçki Komissiyasına sədrlik etmiş Rəhman Qədirzadədir.
Məlumata görə Rəhman Qədirzadə Oğuz şəhərinin ən perspektivli, qaynar yerində - mərkəzində - Heydər Əliyev prospektində ticarət mərkəzi inşa etdirir.
Keçmiş DSK sədrinin tikdirdiyi ticarət mərkəzi 2 mərtəbəli olacaq.
Ticarət mərkəzinin ümumi sahəsi min kvadrat metrə yaxın, qiymətinin isə yarım milyon manat civarında olduğu deyilir.
Qeyd edək ki, Rəhman Qədirzadə hazırda 113 saylı Şəki Şəhər Dairə Seçki Komissiyasının üzvüdür.(AzFakt.com)
