Qış ayları yaxınlaşdıqca qrip və soyqudəymə kimi xəstəliklərin yayılma risqi də artır.  Bunlardan qorunmanın əsas vasitələrindən biri isə qida rasionumuzda meyvədən istifadənin çox olmasıdır.  Lakin meyvə bazarındaki qiymətlər alıcıların cibi ilə tərs mütənasiblik təşkil edir. Belə ki paytaxt bazarlarında narı 3 azn-nə, almanı 2 və ya 5 azn-ə,mandarin və apensini 2 manatdan başlayan qiymətlərlə almaq mümkündür.  

Yenixeber.org: Nəzərə alsaq ki, vitrinlərdə olan alma, üzüm, nar və digər bu kimi meyvələr rayonlardan  gətirilən yerli məhsullardır, üstəlik topdan satış qiyməti çox aşağıdır, qiymətlərin bu qədər baha olması sual doğurur.

Lakin Paytaxtda yerləşən  bazarlarda  bu meyvələri2, bəzən də 3, və ya  4 dəfə baha qiymətə alıcılara təklif edilir.Necə deyərlər, qəpiklə alınan meyvələr bir neçə manata satılır. 

Elə alıcılar da meyvələrin baha olmasından narazıdırlar.

Satıcılar isə qiymətlərin baha olmasına müxtəlif arqumentlər gətirdi. 

Müşahidələrimiz onu deməyə əsas verdi ki, min bir əziyyətlə başa gələn meyvənin əziyyətini fermer çəksə də, bəhrəsini paytaxt bazarlarında olan satıcılar görür. Maraqlısı isə budur ki,   İqtisadiyyat Nazirliyi yanından Antiniinhisar və İstehlak Bazarına Nəzarət Dövlət Xidmətindən bildirilib ki,  meyvələrin qiyməti qanunvericiliklə tənzimlənmir. Hər bir satıcı öz xərclərini nəzərə alaraq meyvələrin satış qiymətini müəyyən edə bilər.