Yenixeber.org: Bügündən Rusiyanın Azərbaycandan pomidor idxalına qoyduğu qadağa aradan qaldırılmağa başlayır. Bu ölkənin nəzarət orqanı (Rosselxoznadzor) ilk olaraq “Aqroterm” MMC-nin istixanasında yetişdirilən pomidorları təhlükəsiz hesab edib və Rusiya ərazisinə buraxmaq barədə qərar verib.

Maraqlıdır ki, açıq mənbələrdə bu şirkət və onun Xızı rayonundakı istixana təsərrüfatı barədə hər hansı məlumat yoxdur. Dövlət Vergi Xidmətinin kommersiya hüquqi şəxslərin reyestrinə görə,  “Aqroterm” MMC 2017-ci ilin yanvarında Bakıda, Mərdəkan qəsəbəsindəki bağ evlərindən birində dövlət qeydiyyatına alınıb https://vergiler.az/media/archive/2019/07/23/newspaper_20190723163527.pdf. Yüz manat kapitalla qurulan şirkətin nizamnamə kapitalı hazırda 5,1 milyon dollara çatıb. Şirkətin direktoru Pərviz Məmməd oğlu Əliyevdir. Bu şirkətin yaradılmasından təxminən 3 ay öncə P. Mmmədovun iştirakı ilə həmin bağ evində başqa bir şirkət - “Aqronet” MMC https://vergiler.az/media/archive/2019/07/23/newspaper_20190723161036.pdf yaradılmışdı. Lakin bu şirkət 2019-cu ilin noyabrında ləğv edilib https://vergiler.az/news_print.php?announcement_id=18544. Qeyd edək ki, iş adamı Pərviz Əliyev 2018-ci ildə Bakıda daha 4 şirkətin (“Hövsan Tikinti Servis” MMC, “APM” MMC, “Hövsan Tikinti Məmulatları” MMC və “Hövsan Elektrik” MMC) təsis olunmasında iştirak edib.

Qeyd edək ki, Rusiya yaxın günlərdə Azərbaycanın daha iki pomidor istehsalçısına idxal qadağasını götürəcəyini anons edib

Dekabrın 8-də axşam Rusiya Azərbaycandan pomidor və almaların gətirilməsini qadağan edib. Bitki və meyvələrdə zərərvericiləri aşkar etdikdən sonra qadağan Rosselkhoznadzor tərəfindən təqdim edildi.(turan)