AZ
RU
Belçikaya da -NOTA hazırlayaq?!..
Guya 30 ildir, görmürsüz ki, nota ilə, bəyanat-filanla donuz darıdan çıxmır...
Yenixeber.org: Fikir savaşı...
İndicə xəbər aldıq ki, dünən Belçikaya “işgüzar səfər”ə yollanan Azərbaycanın işğal altındakı torpaqlarında qondarılmış və de-fakto mövcud olan separatçı-terrorçu rejimin baş təmsilçisi sayılan Bako Saakyan orada Flamand regionunun parlament üzvləri ilə görüş keçirib...
İndi, eyni separatçının eyni ölkəyə 2016-cı ildəki səfəri zamanı olduğu kimi, müvafiq qurumlar yenə başlayacaq ki, “bu turist səfəri kimi bir şeydir”...
Amma yaxşı olar ki, heç olmasa, Belçikaya da bir nota hazırlayasınız...
Fəqət, bizləri aldatmaq olmaz; yaxşı blirik ki, 30 ldir, NOTA ilə, bəyanatla-filanla donuz darıdan, yəni işğalççı ermənilər Qarabağdan çıxmır, NOTA işğalçı ordunu məhv etmir, torpaqları azad etmir, cənablar! Amma guya siz bunu bilmirsiz...
ABŞ Bin Ladenlər gedən ölkəni bombalayır, biz isə Mailyan, Saakyan gedən ölkələrə bəyanat, uzağı, nota gubbuldadırııq...
Cənablar, zəhmət olmasa, sayın görək, 1994-cü ildən bəri bu günədək Qarabağla bağlı neçə bəyanat, neçə nota vermisiz, neçə səfər, neçə görüş keçirmisiz, daxildə, xaricdə neçə şüarlı, transparantlı tədbirlərə milyonlar xərcləmisiz və bunun müqabilində neçə kənd, neçə rayonu azad etmisiz?
Bir də statistikaya müraciət edin, görün, həmin 25 il ərzində o torpaqlardan didərgin düşmüş neçə qaçqının, köçkünün hər il, hər görüşdən, bəyanatdan, notadan sonra ümidləri öldükcə ürəkləri də torpaq həsrətindən, iztirabdan partlayıb və HAQQ dünyasına qovuşublar...
(Sultan Laçın)
.jpg)
.jpg)
