Rusiya KİV-nin verdiyi xəbərə görə, prezident Vladimir Putin əmindir ki, Ukrayna ilə Rusiyanın yaxınlaşması qaçılmazdır. Onun sözlərinə görə, həm də iki ölkə arasında müttəfiqlik münasibətlərinin qurulması qaçılmazdır.

Yenixeber.org: «RİA-Novosti» agentliyinin xəbər verdiyi kimi, Rusiya-Ukrayna münasibətlərinin perspektivi barədə Putin amerikalı rejissor Olver Stounun «Ukrayna uğrunda mübarizədə» adlı yeni filmi üçün verdiyi müsahibədə söhbət açıb.

Filmi Taorminedəki (İtaliya) festivalda nümayiş etdiriblər. Putin həm də danışıb ki, son nəticədə Moskva və Kiyev «normal və dostluq münasibətləri» vəziyyətinə gələcəklər.

Putin ukraynalı siyasətçi Viktor Medvedçuku «sözünü tutan» adam hesab edir – o, Ukraynanın müstəqilliyini Rusiya ilə əməkdaşlıqda mümkün hesab edir. Rusiya liderinin fikrincə, Medvedçuk bu məsələdə haqlıdır, amma bir çox digər məsələlərdə «mövqelər uzaqlaşır».

Putinin sözlərinə görə, iki ölkə arasında münasibətləri rəsmi Kiyevin təbliğatı korlayır – Kiyev Rusiyanı Ukraynadakı faciəli hadisələrin günahkarı elan edir. Putin etiraf edib ki, bu gün münasibətlər «mürəkkəbdir» ki, bu da Ukraynadakı məlum dövlət çevilişinin nəticəsidir.