Nikol Paşinyanla İlham Əliyevin Davosdakı görüşü əvvəlcədən planlaşdırılıb.

Yenixeber.org: Bunu “News.am” saytına açıqlamasında erməni polittexnoloq Armen Badalyan deyib.

“Belə görüşün Davosda keçirildiyini nəzərə alsaq, onu təsadüfi şəkildə texniki baxımdan keçirtmək mümkün deyil. Ona görə də aydındır ki, bu görüş əvvəlcədən planlaşdırılıb”, – deyə o bildirib.

Badalyan Davosda dövlət başçıları arasında təsadüfi görüşlərin olmadığını deyib:

“Ermənistan baş nazirinin görüşün əvvəlcədən planlaşdırıldığını deməməsi başqa məsələdir. Səbəblər müxtəlif ola bilər. Lakin başa düşmək lazımdır ki, əgər sən əvvəlcədən planlaşdırılmış görüş keçirirsənsə, o zaman danışıqlar prosesini reallaşdırırsan. Əgər görüş təsafüdirsə, bu, danışıqlar deyil, müzakirədir. Bunların arasında fərq böyükdür”.

Ekspert İrəvanın qondarma rejimin yerinə danışıqlar aparmayacağı məsələsinə də diqqət yetirib və Paşinyanın bunu gerçəkləşdirəcəyi halda Ermənistanın danışıqlar prosesindəki rolunun aydın olmadığını söyləyib:

“Azərbaycan dövlətinin başçısı ilə hansı danışıqlar aparılacaq? Danışıqlar üçün yeganə predment bu gün yalnız Qarabağ ola bilər. Buraya status, qaçqınlar və Madrid prinsiplərinə daxil olan hər şey aid edilə bilər”.