AZ
RU
Rusiya Ukrayna ilə danışıqdan imtina etdi
Əvvəlcədən planlaşdırılmış Rusiya-Ukrayna danışıqları baş tutmadı.
"xeberinfo.com": Məlumata görə, Rusiya birtərəfli qaydada xarici işlər nazirlərinin müavinləri səviyyəsində Belarusun paytaxtı Minskdə əvvəlcədən planlaşdırılan danışıqlar prosesində iştirakdan imtina edib.
Ukrayna xarici işlər naziri Andrey Deşiça jurnalistlərə açıqlmasında deyib ki, danışıqların aprelin 4-də keçirilməsi nəzərdə tutulsa da, Rusiya görüşdən yayınıb: “Bu xarici işlər nazirlərinin müavinləri səviyyəsində keçirilən danışıqlar olmalı idi. Lakin cənab Krasin Minskə gələ bilməyəcəyini açıqlayıb”.
O qeyd edib ki, buna baxmayaraq, Ukrayna danışıqların başlanması üçün başqa variantlardan istifadə edəcək.
A.Deşiça Rusiyanın xarici işlər naziri Serqey Lavrovla hər hansı görüşün nəzərdə tutulub-tutulmaması ilə bağlı sualı da cavablandırıb. O deyib ki, bu məsələ tərəflər arasında müzakirə olunmadığından belə görüşün keçiriləcəyi haqda heç nə deyə bilməyəcək.
