AZ
RU
Ərdoğanın səs yazılarını yayan 44 polis həbs edildi
Türkiyənin "Star" qəzeti 17 dekabr əməliyyatından sonra internetə yüklənən səs yazılarının Polis təşkilatı tərəfindən edildiyini yazıb.
"xeberinfo.com" Türkiyə mətbuatına istinadən xəbər verir ki, xəbərdə səs yazılarını dinləyən və yayan 44 polis haqqında casusluq maddəsi ilə cinayət işi açıldığı yazılıb.
İstintaq Daxili İşlər Nazirliyi tərəfindən 11 ayrı maddə ilə aparılır. Araşdırma zamanı polis idarəsində qeyri-qanuni yolla dinləmə, yüksək vəzifəli dövlət məmurları haqqında araşdırma aparmaq, qeydlərin sızdırılması, gizlin məlumatların mediyaya verilməsi faktları aşkarlanıb.
Dövləti idarə edən şəxsləri dinləmək, səsləri qeydə almaq, şəxsi məlumatları kopyalamaq cinayətinə yol verən polislər haqqında casusluq cinayəti ilə Baş Prokurorluğa xəbər verilib.
Bu cinayətin cəzazı 15 ildən 20 ilə qədər həbsdir.
