"xeberinfo.com": Son  vaxtlar  heç  kimə  sirr  deyil ki,ölkədə  məmurlar, pullu  adamlar  harada  bir  qarış  boş  torpaq  sahəsi  görür, olar-olmaz, qanuni, qeyri-qanuni  oranı  hasara  alır, özləri  üçün  lazım  olan    obyekti  tikirlər- özü də təmtəraqlı,əzəmətli.İnsan  övladı  bu  tikililərə  həsrətlə,həsədlə  baxır  və dərindən  bir  ah  çəkib  deyir:Tanrım,bunların  gözü nə vaxt doyacaq? Bu qədər saraylar,villalar,ticarət mərkəzləri bunların  nəyinə lazımdır? Hamı bilir ki,ölkədə hər  qarış torpaq,hər ağac kölgəsi, bulaq  başı kimərindi. Və  kimlərin  olduğu  bilinən  bu  ağac kölgələrinə,bulaq  başlarına  bu  məmləkətin  yeraltı,yerüstü  sərvəti hamının olan torpağına ayaq qoya,daşına əl vura bilməz vətəndaş.

   Dəyərli Oxucuların bəlkə də çoxu Bakıdan üzü Qobustana tərəf gedəndə dənizin hasara alınmış neçə kilometrlik sanilini görməmiş deyil.Amma həmin hasarın qırağına vurulmuş: "Biz gələcəyimizi qururuq",lövhəsini bəlkə də çoxları görməyib.Görməyənlərə də məsləhətimiz odur ki,çalışıb görsünlər.Gələcəyi kimlər üçün qururlar? Özlərinin qohum-ğqrəbalarının və nə bilim kimlərin yüz,iki yüz il bundan sonrakı gələcəklərini qürurlar.Özü də nəfəs dərib dayanmadan,gecə-gündüz.

    Bu yerdə adam onlardan ilandan,əqrəbdən  qorxan kimi qorxur.Çünki ancaq özünü düşünən,var-dövlətdən gözü doymayanlar,qızıl toplayanlar heç vaxt doymurlar.Onlar həmişə qəddar və əzazil olurlar.Varına  göz  dikənin  gözünü çıxarır,əl uzadanın əlini kəsirlər.

   Bu yaxınlarda bir qəzetdə planetin ən varlı hakim dairələrinin adlarını oxudum.Bunların çoxunu müsəlman ölkələrinin başçıları təşkil edir.Amma özümüzünkiləri görməyəndə bir balaca təəccübləndim.Düşündüm ki,yəqin araşdırmaçıların bizimkilərdən xəbərləri olmayıb.Buradan belə nəticəyə gəlmək olar ki,müsəlman dövlət başçılarının əsas məqsədi xalqını düşünmək yox,var-dövlət toplamaqdır.Nəfsinin qulu olan dövlət başçılarının ,iri  məmurların təmsil etdikləri dövlətlərin həmişə üzü tüpürcəkli,başı qapazlı olurlar,doğmaca qardaşları olan Fələstin  xalqı  illərdir İsrail  zülümündən  əzab  çəkir.

   Tamahı,nəfsi böyük olan adam heç vaxt yaxşı mənada gələcəyini qura bilməz.Xalqın bir qarış torpağını əlindən alıb,bir ağac kölgəsini onun dincəlməsinə qıymayan məmurun topladığı var-dövlət bir gün burnundan gələcək, zəlil günə qalacaq.Yüz minlərlə  hektar torpaq qalıb düşmən tapdağında,bunlar buradakı torpaqları qarış-qarış satırlar.Hərdən öz-özümə düşünürəm,bəlkə 80 faiz bizdə (yəni məmurlarda) olan torpaqları  da elə damarlarında erməni qanı olanlar zəbt ediblər?!

     Məhərrəm Şəmkirli