AZ
RU
.jpg)
Razi Nurullayevdən Əbülfəz Qurbanlının istefasına münasibət
"Əli Kərimli mənim kimi Əbülfəz Qurbanlıya da şər atacaq"
"Xeberinfo.com": Məlumata görə, AXCP sədrinin sabiq müavini Razi Nurullayev vaxtilə partiyada həmkarı olan Əbülfəz Qurbanlının istefasına münasibət bildirib.
R. Nurullayev AzVision.az-a açıqlamasında deyib ki, Ə. Qurbanlının istefası AXCP-dəki daxili narazılıqlarla bağlıdır: “Bu gün AXCP-dəki vəzifəli şəxslər üçün bərabər şərait yaradılmır, partiya resursları bərabər bölünmür. Əbülfəz Qurbanlının istefasının da bu məsələlərdən qaynaqlandığını düşünürəm”.
AXCP sədrinin sabiq müavini istefa verən zaman Ə. Qurbanlının onu tənqid etməsindən də danışıb: “Mənim partiyadan istefa verməyə məcbur olunmağımı özümə qarşı haqsızlıq sayıram. Hərçənd ki mən AXCP üçün əlimdən gələni edirdim. Ancaq, bunu dəyərləndirmədilər. Əksinə şəxsimə qarşı qısqanclıq halları çoxaldı, əsassız ittihamlarla üzərimə gəldilər və sonda isə istefaya məcbur olundum. Çünki, partiyaya sərf etməyən ifadələri işlədirdim. Bu isə demokratik cəmiyyətlər üçün vacib şərtdir.”
R. Nurullayev hesab edir ki, partiyadan gedənlərin hər birinin üzərinə vurulan damğalar Əbülfəz Qurbanlıya da vurulacaq.
Qeyd edək ki, AXCP sədrinin müavini Əbülfəz Qurbanlı bu gün təmsil olunduğu partiyadan istefa verdiyini bəyan edib.
.jpg)
.jpg)
