AZ
RU
Azərbaycan Rusiya sülhməramlılarından imtina edərsə ...
İrəvan gözləyir ki, Qarabağda Rusiya sülhməramlılarının olması üçtərəfli bəyanatda göstərilən müddətlə məhdudlaşmayacaq.
Yenixeber.org: Bunu Ermənistan Təhlükəsizlik Şurasının katibi Armen Qriqoryan Azadlıq Radiosunun erməni xidmətinin efirində deyib.
"Azərbaycanın Rusiya sülhməramlılarının iştirakından potensial imtinası mövzusu gündəmimizdədir. Belə bir halda nə edəcəyimizi Rusiya tərəfdaşlarımızla müzakirə edirik", - Qriqoryan bildirib.
Ermənistan Təhlükəsizlik Şurasının rəhbəri qeyd edib ki, İrəvan Rusiya sülhməramlılarının daha uzun müddətə qalacağına inanır və vurğulayıb ki, bunun üçün Ermənistan “əlindən gələni edəcək”.
"Azərbaycan buna razılıq verməsə, güclərimizi birləşdirməyə və problemin həllini tapmağa çalışacağıq. Amma (Qarabağda) baş verənlər göstərir ki, Rusiyanın orada daha çox qalmaq planları var", - Qriqoryan bildirib.
