Müharibədən sonra ordumuz tərəfindən ələ keçirilən erməni diversantlarını İrəvana aparmalı olan təyyarənin boş qaytarılmasıyla bağlı gərginlik səngimir.

Yenixeber.org: Xatırladaq ki, həmin təyyarədə olan Rusiya sülhməramlılarının başçısı general Rüstəm Muradov “hərbi əsirlərin” qaytarılacağı ilə bağlı yayılan məlumatları qəzəbli şəkildə yalanlamış və Ermənistan hökumətini “yalan və provakasiya”da günahlandırmışdı.

Ermənistan mətbuatı xəbər verir ki, Baş nazir Nikol Paşinyana yaxın şəxslərdən biri və hakim partiyanın parlamentdəki ən fəal nümayəndələrindən sayılan Andranik Köçəryan Rüstəm Muradovun bəyanatına sərt şəkildə qarşılıq verib.

Köçəryan jurnalistlərə açıqlamasında deyib ki, general bu cür açlıqlamalar vermək hüququna malik deyil: “Muradovun belə bir bəyanat vermək hüququ yox idi.”

Ardınca Köçəryan eyham vurub ki, guya, hökumətin “əsirlərin” geri qaytarılacağı ilə bağlı gözləntiləri əsassız olmayıb və bununla bağlı hansısa “razılaşma” olub. Lakin sonradan o pozulub və “razılaşmanı” həyata keçirmək mümkün olmayıb.

Köçəryan iddia eddib ki, Muradovun Bakıya səfəri Paşinyanın Moskva səfərilə eyni vaxta təsadüf edirdi və “əsirlərin” qaytarılması məsələsi bu səfərdə müzakirə olunan əsas mövzulardan biri idi.

Jurnalistlərin son olaraq, erməni cəmiyyətinin Muradova, yoxsa Ermənistan hökumətinə inanmalı olduğuna dair sualına isə Paşinyanın adamı “hökumətə” deyə cavab verib.

Jurnalistlərin “belə çıxır ki, Muradov yalan danışır” sualına isə Köçəryan əsəbi şəkildə reaksiya verərək, onu cavablandırmağa cəsarəti çatmayıb.(azpolitika)

Cəlal