AZ
RU
.jpg)
Sarkisyanın dialoq təklifinə Paşinyan susur
Yenixeber.org: Ermənistanın News.am saytı siyasi qüvvələrin və baş nazirin Ermənistan prezidentinin dəvətini qəbul edib-etməyəcəyini öyrənməyə çalışıb.
Məlumata görə, bu günlərdə Ermənistan prezidenti Armen Sarkisyan ölkədəki mövcud vəziyyəti müzakirə etmək və yaranmış böhrandan qarşılıqlı məqbul həll yolları tapmaq məqsədilə baş naziri, parlament fraksiyaları liderlərini və "Vətəni Qurtarma Hərəkatı”nın liderlərini görüşə dəvət edib. Görüş martın 13-ü, saat 12.00-da baş tutmalıdır.
Amma Ermənistan Baş nazirinin mətbuat katibi Mane Gevorkyan, hələlik bu xüsusda şərh vermək istəmədiyini bildirib.
"Çiçəklənən Ermənistan” partiyası parlament fraksiyasının katibi Arman Abovyan isə bu məsələnin hələ fraksiyada müzakirə olunmadığını qeyd edib.Yalnız "Parlaq Ermənistan" partiyasının parlament fraksiyası prezidentin dəvətini qəbul edib. "Parlaq Ermənistan partiyası və onun parlamentdəki fraksiya adından dəvəti qəbul etdiyimizi və vətəndaş həmrəyliyini bərpa edəcək, ölkəni düşdüyü dərin böhrandan çıxarmaq yolları arayıb tapmağa imkan verəcək istənilən mükalimədə iştirak etməyə hazır olduğumuzu bildirirəm”,- deyə partiyanın və onun parlamentdəki fraksiyasının lideri Edmon Marukyan deyib.
